ابني عصبي و عنيد

ابنى عصبي و عنيد

شكوى معظم الامهات ابنى عصبي و عنيد ... طيب تعالوا لحل جديد ..........

بصراحه اغلبنا كامهات بيعانى من المشكله دى و من كتر الضرب و الصراخ و الزعيق ممكن ننهار و برده بيفضل الطفل يعمل الشىء اللى بنمنعه عنه و دا شىء صعب جدا و انا لقيت ان ممكن نتعامل مع ولادنا بشكل تانى خالص و ممكن نحقق اللي متحققش من الضرب و الصراخ .

علميا عندما نصرخ في اولادنا بيفرز المخ هرمون الكورتيزول و لما بيعلي الهرمون داه في المخ بيوقف الفهم عند الطفل و بالتالى مبيستوعبش مننا اى حاجه و بعد شويه ييجى يعتذر و يكرر الغلط تانى و تالت و داه مش عند هو انه مفهمش الموقف اللى اتعاقب فيه و بيكون هدفه الوحيد الخروج من الموقف و معني كده ان اى كلمه او نصيحه بنقولها وقت انفعال بتبقي عند الطفل و لا شيء لانه لم يستوعب حاجه .

ايضا عندما نهدى ناتى باطفالنا و تقول لهم انت السبب فى نرفزتى و داه خطأ كبير لاننا بنعلمهم انهم لما يعملوا غلط يدوروا على شخص اخر يلقوا اللوم عليه و الا يكون قادر على تحمل عواقب خطأوه.

ايضا نحن كأمهات عندنا فوبيا ان اولادنا يكونوا قليلي الادب او ينتقد احد تربيتهم و من خلال ذلك لا نتساهل معهم ابدا و ذلك لاننا نرى ان التساهل افساد لهم فى التربيه اليكى الحل :

عندما يخطىء الطفل علينا بان نحتويه و ان نوصل له المعلومه و النصيحه بالهدوء و المحبه بان نحتضنه و نقبله و ان نشرح له وجهه نظرنا بانه اخطاء فى شيء ما و هذا غير صحيح و ايضا ان نتعامل معهم على انهم بيفهموا و ليس من خلال استعراض القوى بانه انا ليا القوة و السيطره لانى اكبر منك و لانى امك او ابيك و يجب الا ننسي ان اساءه الاهل للطفل تجرح اكثر بمرات من اساءه اي شخص اخر و كل ما نحتاجه عندها قليل من المرونه والشده معا و ذلك يعطى الطفل ثقه في نفسه و في ابويه و يجب ان نكثر من الاحتضان للطفل فحضن الام لطفلها هو الامان بعينه و ان وجدناهم فعلوا شيء صائب علينا و ان نشكرهم على فعلهم الصحيح فهم فى مرحله التعلم  تعلم كل شيء معامله و ادب و اخلاق و لكى يعملوا الصواب من الوارد الوقوع فى الخطاء .

ارجوا ان اكون افادتكم كما استفدت انا